Reuters
K'iintsil
La Jornada Maya
Ginebra, Suiza
Miércoles 22 de abril, 2020
U xookil jaytúul máak mina’an ba’al u jaanto’ob sáansamale’ je’el u ka’ap’echajal ti’ le ja’aba’, je’el u náakal tak 265 millonesil máako’obe’ tumen ma’ táan u páajtal u yáalkab taak’in je’el bix suukile’ yóok’lal u k’oja’anil COVID-19, beey úuchik u ya’alal le martes máanika’ tumen Programa Mundial de Alimentos de las Naciones Unidas (WFP, yóok’lal bix u k’aaba’ ich inglés).
Táan u tukulta’ale’ yaan u yantal ya’abach taak’in táan u pe’etchajal tumen ch’éen u yokol taak’in ti’ u meyajil turismo, éem xan tojol suuka’an u túuxtpajal ts’o’okole’ ma’ táan u páajtal u jóok’ol máak xíinximbal mix tu’ux yéetel yaan xan uláak’ talamilo’ob chikpajo’ob yóok’lal le k’oja’anilo’, le beetike’ ku tukulta’al je’el u yantal tak uláak’ 130 millonesil máako’ob jach mina’an mix ba’al ti’al u tséentikubáajo’ob, tumen walkila’ ti’ yóok’ol kaabe’ yaanili’ kex 135 millonesil máako’ob mina’an ba’al u jaanto’ob.
