K'iintsil
La Jornada Maya
Ciudad de México
Martes 21 de abril, 2020
Jbeet cha’an cine sijnáal ti’ u lu’umil México, Gabriel Retese’ (1947), sa’at u kuxtal tu k’iinil jo’oljeak 20 ti’ abril, beey úuchik u ts’a’abal k’ajóoltbil tumen u mola’ayil Secretaría de Cultura ti’ jump’éel ts’iib beeta’ab ti’ Twitter.
Retese’ tu jo’olbesaj u táabsa’al kex 19 u p’éel u cha’anilo’ob ficción, tu beetaj u productoril yéetel directoril, ts’o’okole’ yanchaj uláak’o’ob tu’ux táakpaj beey actor. Beyxan yaan u ts’íibilo’ob cha’an tu beetaj yéetel jach uts tu yich ka’ach balts’am.
Ka’aj k’a’ayta’ab ts’o’ok u kíimile’, u mola’ayil Instituto Mexicano de Cinematografía (Imcine) tu yajóoltaj ba’ax úuchij, ts’o’okole’ tu ya’alaj, meyajo’ob tu beetaj je’el bix El Bulto yéetel Bienvenido- Welcome “ku chikbesik yéetel ts’a’ab u ki’iki’ báaxal t’aan beyxan jach na’atun na’at yanik ba’ax ku cha’antali’”.
Xbeet cine, Maria Novaro t’aanaj tu yóok’lal Retese’, beey juntúul máak “sáasil u yóol, beyxan ku jach chikbesik ki’imak óolal, chokoj pool yéetel jach yaabilta’an. Ku p’atik to’on u noj meyajilo’ob tu beetaj”, tu ya’alaj.
