La Jornada Maya
K'iintsil
Moscú, Rusia
Lunes 13 ti' abril, 2020
U yantal u k’alikubáaj máak tu yotoch yóok’lal u pak’be’en k’oja’anil coronaviruse’ ma’atech u cha’ik ti’ óoli’ mixmáak u jóok’ol xíimbal ti’ jejeláas kúuchilo’ob tu’ux suuk u bin máak. Je’el bix ucha’an ti’ rusoilo’ob ma’ xan táan u páajtal u bino’ob u xíimbalto’ob museos. Ti’al túun u chan máansiko’ob k’iine’, ku ch’a’ako’ob u yoochel boono’ob yáax beeta’ane’ ti’al u jeel beetiko’ob tu yotocho’ob le bix ku páajtale’, ku ts’o’okole’ ku ts’áako’ob k’ajóoltbil ti’ redes sociales: Facebook Izoizolyacia. Múuchil tu’ux ku na’aksiko’obe’ ts’o’ok u jach k’ajóolta’al tumen ya’abach máaki’, Yaan oochelo’obe beeta’ane’ jach chéen báaxalil ba’ale’ yaan uláak’o’obe’ jach tu ts’áaj u yóol máax beetej ti’al u jóok’ol tu beel.
[b]Versión en español[/b]: [a=https://www.lajornadamaya.mx/2020-04-12/-Aislamiento---grupo-ruso-en-Facebook-que-recrea-obras-de-arte]"Aislamiento", grupo ruso en Facebook que recrea obras de arte[/a]
Múuchile’ t’u’ulpachta’an tumen 350 mil máako’ob, ts’o’ok xan u na’aksal ya’abach oochelo’ob tu’ux ku ye’esa’al meyajo’ob u beetmaj máak tu yotoch. Ichil ba’ax jets’a’an ti’al u béeytal u táakpajal máake’ ku k’áata’al ka k’a’abéetkunsa’ak ba’alo’ob yaan ti’ máak tu yotoch yéetel ma’ xan táan u páajtal u k’e’exel wa u beeta’al wa ba’ax digital.
Se puede acceder al grupo en Facebook a través de esta [a=https://www.facebook.com/groups/2536037569978845/]liga[/a].
