de

del

Afp
Oochel Reuters
K'iintsil

Martes 24 ti' marzo, 2020.
Italia

Máax beetik u secretarioil general ti’ ONUe’, Antonio Guterres, tu páayt’antaj kaaj le lunes máanika’ “ti’al ka séeb xu’ulsak ba’ateltáambal yaan yóok’ol kaab” ti’al beyo’ u béeytal u kaláantikubáaj kajnáalo’ob tu’ux táan u yúuchul ba’atel ti’ u túumben k’oja’anil coronavirus táan u loobiltik yóok’ol kaab.

“U muuk’il k’oja’ane’ táan u jach e’esik u yantal ba’ateltáambal walkila’ chéen ti’al chokoj poolo’ob”, beey tu ya’alaj Guterres úuchik u t’aan tu kúuchil ONU, kex ma’ tu ch’a’achibtaj u k’aaba’ mix jump’éel noj lu’umil.

“Le beetik bejla’e’ táan in beetik páayt’aan ti’al u séeb xu’ulsal ba’atelil je’el tu’uxak ka úuchuk ti’ yóok’ol kaab”, beey tu ya’alaj.