Ap
Oochel
K'iintsil
Managua.
Lunes 2 ti' marzo, 2020.
J ts’íib yéetel j k’iim nicaragüenseil Ernesto Cardenale’ kíim tu k’iinil domingo, tu kaajil Managua, úuchik u talamchajal ba’al tu toj óolal. )5 u ja’abil ka’achij.
“K ts’íib k’aay tuukule’ ts’o’ok u káajal u xíimbalil ti’al u p’éelilchajal yéetel Yóok’ol Kaab, ti’al u yantal tu yiknal jajal Dios”, beey tu ya’alaj Luz Marina Acosta, máax beetik u áasisteenteil.
Bosco Centeno, juntúul u láak’ Cardenale’ tu ya’alaje’ j k’iine’ yanchaj u biinsa’al tu kúuchil ts’ak yaj kex walkil ka’ap’éel k’iino’oba’ tumen káaj u yantal talamilo’ob tu puksi’ik’al.
Cardenale’ leti’ u yuum ts’íibo’ob je’el bix Epigramas yéetel Cántico Cósmico, ichil uláak’ u ya’abil meyajo’ob tu beetaj. Leti’e’ tu k’iimbesaj 95 ja’abo’ob le 25 ti’ enero máaniko’, tu’ux tu k’a’aytaj ka’ache’ táan u líik’sik uláak’ jump’éel áanalte’. Ba’ale’ tu jo’oloj le je’elo’ yanchaj u yoksa’al tu kúuchil ts’ak yaj tu’ux p’áat ka’ap’éel p’iis k’iinil.
