La Jornada Maya
Oochel
K'iintsil
Progreso, Yucatán.
Lunes 24 ti' febrero, 2020.
Ya’abach yukateko’obe’ múuch’o’ob tu jáal ja’il Progreso ti’al u ki’ máansiko’ob u k’iimbesajil Carnaval te’e noj kaajo’, ts’o’okole’ yaan jaytúul máako’ob a’alike’ ts’o’ok u máan táanil k’iimbesaj ku beeta’al te’elo’ ti’ le ku beeta’al tu noj kaajil Jo’, tu méek’tankajil Xmatkuil.
Ma’ jach chokojchajak k’iin ka’aj káaj u kóojol máak te’e noj kaajo’. Máaxo’ob ku meyajo’ob ti’ kúuchilo’ob kon janale’, beyxan tu’ux ku ko’onol u ja’il káaltal yéetel aj koonolo’obe’ tu líik’sajubáajo’ob ti’al u k’amiko’ob u ya’abil máako’ob ku bino’ob cha’ani’.
P’el ts’o’okik u máansa’al cha’antbil kis buuts’ meyajta’ano’ob ti’al e’esbile’, káaj kex la 1 tu taal u chíinil k’iine’, u xíinximbalil u t’u’ulpachilo’ob Ajaw Momo te’e tu noj bejil u jáal ja’il Progreso ti’al u kaxtiko’ob jump’éel chan bo’oy tu’ux u yantalo’obi’.
Ti’al cha’an beeta’ab jo’oljeak domingoe’ táakpaj Roberto Palazuelos, máax kaláanta’ab tumen Guardia Nacional ka’alikil táan u beeta’al le xíibalilo’. Beyxan ti’ k’aaynaj u múuch’paaxil Los Caracoles; Cleyver yéetel u múuch’il náaysaj óol Alegría Do Brasil.
U k’iimbesajil Progresoe’ yaan u ts’o’okol le 26 ti’ febrero ku taala’ yéetel u xíimbalil Batalla de Flores. Te’e k’iino’ yaan u táakpajal Kumbia Kings yéetel u múuch’il I Love Salsa.
___________________________________________________________________
Miles de yucatecos se dieron cita al puerto de Progreso para formar parte del Carnaval de ese municipio, que según consideran algunos, ha desbancado al de Mérida que se efectúa en la comisaría de X’matkuil.
Desde muy temprano la concurrencia comenzó a poblar el malecón y sus alrededores. Restauranteros, expendios de cerveza y comerciantes de todo tipo se prepararon con anticipación ante la oleada de clientes que fue prevista.
Tras el desfile de carros alegóricos que dio inicio al filo de las 13 horas, los discípulos del Rey Momo recorrieron la principal arteria de Progreso en busca de un lugar para instalarse, preferiblemente bajo la sombra.
El derrotero dominical contó con la participación de Roberto Palazuelos, quien estuvo custodiado por la Guardia Nacional durante el recorrido. También se presentaron Los Caracoles; Cleyver y el espectáculo de Alegría Do Brasil.
El Carnaval de Progreso culminará este 26 de febrero con la Batalla de Flores. Ese día los Kumbia Kings y el grupo I Love Salsa amenizarán la fiesta.
