Ka’atúul ajmeyajnáalo’obe’ tu much’ajubáajo’ob, ts’o’okole’ xáanchajo’ob kex kamp’éel oorai’. Ti’ yáax múuch’il tu beetajo’obe’ ma’ ya’ab máak táakpaji’, ts’o’okole’ yanchaj uláak’ tu’ux táakpaj uláak’ ka’analmeyajil máako’ob ti’ u ka’a jaatsil jala’ach, yéetel xáanchaj kex 65 minutos. Te’e súutuko’, tsikbalta’ab bix je’el u páajtal u yutsil ila’al bix u meyaj ts’oon yéetel u béeykunsa’al u suta’al u ajmeyajnáalo’ob ti’ u kúuchilo’obi’. Bidene’ tu ya’alaj yóok’lal múuch’tambala’ úuch bin “ich ka’ap’éel mu’uk’a’an noj lu’umo’ob”, beyxan tu ya’alaje’ “jach táaj uts u much’ikubáaj máak ka’alikil táan u paklan ilikubáajo’ob”. Ka’alikil Putine’, tu ya’alaj yaan u alab óolalil u “jóok’ol ba’al uts” ti’ le tsikbal táan u yantala’.
También te puede interesar: Acuerdan Biden y Putin devolver embajadores y reducir tensión
Xak'alutskíinsa'an tumen: Sasil Sánchez Chan
