Úuchik u máan U K’iinil Áayimo’obe’, tu k’iinil jo’oljeak, j biologóo Fernando Díaz Gamboa tu beetaj jump’éel tsikbal tu’ux tu ya’alaj jayp’éel ba’al yóok’lal u k’a’ananil le ba’alche’oba’ ichil le mautsila’, je’el bix xan bix yanik u kuxtalo’ob te’e k’iino’oba’. “U yoochel áayime’, chika’antak ti’ úuchben kaajo’ob je’el bix Cobá.
Tu’ux ku ts’a’abal u wíinkilal je’el bix wíinike’, ts’o’okole’ u kajnáalo’ob Yucatán ti’ posklaasiko k’iino’obe’ ku ts’áako’ob beey u chíikulal u yantal u mejenil yóok’ol kaab”, tu ya’alaj.
Xak'alutskíinsa'an tumen: Sasil Sánchez Chan
