Jump’íit u bin ti’al u loots’, tuka’atéen, Leones tu táan Diablos, ichil Serie de Campeonato tu baantail Zona Sur. Muuk’ yéetel k’am bolaae’, ka’ap’éel noj ba’al ti’ le báaxalo’, tumen leti’ ba’ax áantajnaj ti’al u wuktéen táanilchajalo’ob ichil playoffs México, 5-3; chéen táan u binetik ti’ob jump’éel náajal ichil u ka’atéenil u báaxtiko’ob Serie del Rey. Joonrono’obe’ beeta’ab tumen Yadir Drake yéetel José Juan Aguilar, máaxo’ob beet u p’áatal 3-1 u múuch’báaxalil Yucatán (3-0), beyxan yóok’lal báaxal tu beetaj Alex Liddi yéetel Walter Ibarrae’ béeychaj u loots’o’ob tu ts’ook. Jake Thompsone’ leti’e’ máax náajalnajo’.
También te puede interesar: Los Leones, a un paso de su segunda corona de la Zona Sur consecutiva
Xak'alutskíinsa'an tumen: Sasil Sánchez Chan
