U mola’ayil Secretaría de Salud ti’ le péetlu’umo’, tu ts’áaj k’ajóoltbile’ yaan u ya’abkúunsa’al u k’iinilo’ob u ko’onol u ja’il káaltal te’elo’, le beetik walkila’, yaan u páajtal u ko’onol bul p’isk’iin, ba’ale’ jejeláas u súutukil jets’a’an u ti’al. Le jach kaláanta’ano’obo’ leti’e’ kúuchilo’ob ku meyaj dée áak’ab, tumen yaan u káajal u koonolo’ob láas 8 áak’ab tak la 1 tu taal u sáastal; beyxan tu kúuchilo’ob óok’ote’, yaan u káajal láas 10 áak’ab tak la 1 tu taal u sáastal, lunes tak sábado, ka’alikil ti’al domingose’ yaan u páajtal u koonolo’ob ichil láas 9 áak’ab tak chúumuk áak’ab. Kúuchilo’ob kanale’ yaan u koonolo’ob ichil 10 ja’atskab k’iin tak la 1 tu taal u sáastal.
Xak'alutskíinsa'an tumen: Sasil Sánchez Chan
