Ka’alikil ti’ yaan Consejo de Seguridad ti’ u mola’ayil Organización de las Naciones Unidas (ONU), jala’ach Andrés Manuel López Obrador tu ya’alaj ma’alob wa ka beeta’ak “u nu’ukbesajil yóok’ol kaab ti’al múul kajtal yéetel ti’al u yutsil yantal kaajo’ob”, ti’al beyo’ u chíimpolta’al no’ojan kuxtal unaj u yantal le 750 u túul máaxo’ob kuxa’ano’ob chéen yéetel ka’ap’éel doolar sáansamal. Ti’al u meyaje’ ku páajtal u ch’a’abal taak’in ti’ óoxp’éel tu’ux: u bo’ota’al, ja’an man ja’abe’, u 4 por siientoil u taak’inil le mil u túul máak asab ayik’al te’e yóok’ol kaaba’; óoli’ beey ka bo’ota’ak xan tumen nojoch mola’ayo’ob nonoj taak’in u much’majo’ob yéetel u yáantajil 0.2 por siientoil PIB ti’ lu’umo’ob táaka’an G20.
También te puede interesar: Propone AMLO ante la ONU “plan mundial de fraternidad y bienestar”
Xak'alutskíinsa'an tumen: Sasil Sánchez Chan
