de

del

U mola’ayil Secretaría de Desarrollo Agrario, Territorial y Urbano (Sedatu) tu ch’a’aj u man 198 u p’éel k’áaxo’ob yaan tu péetlu’umil Quintana Roo, tumen tu tukultaj no’oja’an ti’al u u beeta’al u beel yéetel u kúuchil Tren Maya. K’áaxo’obe’ ti’ yaan tu’ux táan u beeta’al tu jaaatsil 5 Norte, ts’o’okole’ jets’ts’íib tu’ux ku je’ets’ele’ j ts’a’ab k’ajóoltbil jo’oljeak ichil Diario Oficial de la Federación.

Beey túuno’, u yuumilo’ob otelo’ob yaan Riviera Maya tu ya’alajo’obe’ yaan u k’áatiko’ob ti’ u jala’achil u noj lu’umil México ka u chíimpolt ba’ax je’ets’e yéetel u yuumille k’áaxo’ob kun ch’a’abil ti’al manbil tu méek’tankaajilo’ob Benito Juárez, Puerto Morelos yéetel Solidaridad ti’al u béeytal u beeta’al Tren, ka’alikile’ u jala’achil Solidaridade’ tu ya’alaje’ yaan u kaláantik u ba’alumbáaj le kaajo’.  

“Ku je’ets’ele’, ti’al u yutsil kaaj táan u beeta’al Proyecto Tren Maya, tu méek’tankaajilo’ob Benito Juárez, Solidaridad yéetel Puerto Morelos, tu péetlu’umil Quintana Roo, tumen yaan u béeykunsa’al ikil u beeta’al kúuchilo’ob ti’al kaaj, ichil u nojochil u k’áaxil 2 miyoones 410 mil 107.72 meetros kuáadrados”, beey je’ets’ik te’e ju’uno’.

 

También te puede interesar: Expropia Sedatu 198 predios en QRoo para el Tren Maya

 

Beyxan te’e ju’uno’ ti’ yaan yaan u jets’ ts’íibil yéetel xaak’al ts’a’aban ichil u éexpedienteil yaan u nuumeróoil SEDATU.1S.13.I110.UAJ.001.2022 tu’ux ku je’ets’el Proyecto Tren Mayae’ jump’éel meyaj ti’al kaaj tukulta’an u táakbesik ba’ax yaan u yil yéetel náajal, kaaj, toj óolal yéetel kúuchilo’ob ti’al le baanta je’ela’, tumen yéetele’ yaan u ts’aatáanta’al ba’ax k’a’abéet ti’ kaaj.

Yóok’lale’, k’áatchibta’ab u x jo’olpóopil u méek’tankaajil Solidaridad, Lili Campos Miranda, máax tu ya’alaje’ k’áaxo’ob ch’a’ab manbile’ leti’e’ yano’ob tu baantail Luis Donaldo Colosio yéetel uláak’o’ob yaan tu yáax kuaadroil le noj kaajo’, le beetike’ “táan k xaak’al” tumen táan k ilike’ yaan najo’ob yéetel bejo’ob te’elo’.

Beyxan, tu ya’alaje’, táan u xak’altiko’ob u ju’unilo’ob Registro Público de la Propiedad ti’al u yojéeltiko’ob jach bix yanik u ju’unilo’ob, tumen beyo’, yaan u páajtal u káajsik u máanil ti’al u yantal ti’ob le k’áaxo’obo’, tumen jeets’el beyka’aj k’iino’ob unaj u xáantal le je’ela’. Ts’o’okole’ u ba’alumbáaj k’áaxe’ ma’ táan u táakbesa’al ichil jeets’il beeta’ab ti’al le meyaja’.

Xak'alutskíinsa'an tumen: Sasil Sánchez Chan