Kolnáalo’ob ti’ maaya lu’umil Quintana Rooe’ táan u meyajtiko’ob jejeláas nu’ukbesajo’ob ti’al u yáantaj u kaláanta’al u yik’el kaab, ichil le je’elo’obo’ ti’ yaan u pa’ak’al che’ob yéetel xíiwo’ob je’el u yáantajo’ob ti’al u tséenta’al le mejen ba’alche’ob kéen jach ts’u’uychajak yáax k’iin. Lalaj 20 ti’ mayoe’, ku máan U K’iinil U Yik’elo’ob Kaab Yóok’ol Kaab, le beetike’ Universidad Intercultural Maya de Quintana Roo tu beeta’aj ka’ap’éel noj tsikbalo’ob tu’ux yaan u táakpajal máaxo’ob jach kaambanaja’an yóok’lal le ba’alche’oba’, beyxan máaxo’ob meyajtik yéetel tséentik. Le yáaxo’ úuch jo’oljeak jueves, yéetel u ka’ap’éelile’ yaan u yúuchul bejla’a viernes 20, láas 2:30 tu taal u chíinil k’iin; yaan u páajtal u cha’anta’al tu Facebookil UIMQROO Universidad.
También te puede interesar: Implementan sistemas de producción para salvaguardar a las abejas en QRoo
Xak'alutskíinsa'an tumen: Sasil Sánchez Chan
