Jayp’éel k’iino’ob paachile’ k’a’aytab ba’ax ku tukulta’al kun úuchul yéetel u ta’il k’áak’náab tumen Secretaría de Marina (Semar) yéetel mola’ay t’u’ulpachtik le xíiwo’oba’, ka’aj a’alabe’, yaanili’ u jach k’uchul te’e jáal ja’obo’ tu k’iinil 21 ti’ mayo, ts’o’okole’ jach beey úuchiko’. U seen yantale’ ma’ táan u ts’áak u páajtalil u luk’sa’al mix jump’íiti’, kex tumen táan u jach meyaj máak ti’al u luk’sa’al kéen sáasake’, kéen u ya’al chúumuk k’iine’, ts’o’ok u ka’a yantal uláak’ u ya’abil. Kúuchilo’ob janal, koonol yéetel otelo’obe’ ku máansiko’ob u talamil yóok’lal u book ba’ale’ beyxan tumen k’aas u yila’al.
También te puede interesar: Pronósticos sobre sargazo se cumplen: llega oleada masiva a costas de QRoo
Xak'alutskíinsa'an tumen: Sasil Sánchez Chan
