U áayuntamientoil u méek’tankaajil Solidaridade’ ts’o’ok u ya’alike’, te’e jatsk’iino’oba’, tu’ux ts’o’ok u káajal u kóojol áak jáal ja’ ti’al u ye’ele’, yaan kex kamp’éel tu’ux k’ata’an u beel áak yóok’lal u ta’il k’áak’náab, wa saargasóo, le beetike’ ma’ tu páajtal u jach xíimbal tu beel áako’ob te’elo’, tumen nojochtako’ob. U jaats meyajil Ecologíae’ tu ya’alaje’ ila’ab óoxtúul áak láayli’ kuxa’an te’elo’, ba’ale’ t’iilitako’ob, le beetike’ yanchaj u túuxtalo’ob tu kúuchil ts’akyaj Xcaret, tumen chéen ti’ jets’a’an ku páajtal u ts’aatáanta’al le ba’alche’a’. Yanchaj uláak’ juntúul ila’abe’, ba’ale’ lelo’ ts’o’okili’ u kíimil.
También te puede interesar: Reportan cuatro varamientos de tortugas en Solidaridad
Xak'alutskíinsa'an tumen: Sasil Sánchez Chan
