Ichil u k’iinil 4 tak 10 ti’ julioe’ yaan u k’iimbesa’al méek’tankaaj, tumen ts’o’ok 155 ja’abo’ob yanak. U ti’ale’ yaan u beeta’al tuka’atéen Festival de la Ciudad Ticul, tu’ux yaan u beeta’al u cha’anil its’at, óok’ot, miatsil yéetel k’ajla’ay ti’ le kaajo’. Beyxan leti’ kun ts’áak bej ti’ u cha’anil Expo Fiesta, tu’ux yaan u yantal its’at, koonol, xanab yéetel meyaj k’ab, tu k’iinil 21 tak 31 ti’ agosto te’e ja’aba’.
Yáax meyaje’ ti’ kun beetbil tu kúuchil Concha acústica, yaan tu k’íiwiil kaaj jo’olbesa’an tumen Rafael Montalvo Mata.
Ti’al martes 5 ti’ julioe’ yaan u beeta’al u tse’ekil Conferencia monetaria ti’ u petenil Yucatán, láas 8 áak’ab; le je’elo’ ti’ kun beetbil tu kúuchil galeria de arte ti’ le kaajo’.
También te puede interesar: Con Arte y cultura conmemorarán el 155 aniversario de Ticul
Tu k’iinil miércoles 6e’ yaan u beeta’al sesión solemne tu súutukil 6:30 tu taal u yáak’abtal tu k’íiwikil le méek’tankaajo’, tu’ux kun paax Orquesta Típica Yukalpetén láas 8 áak’ab te’e concha acústicao’.
Ti’al jueves 7 ti’ julioe’, láas 6 tu taal u yáak’abta’ale’, yaan u xo’okol ik’il t’aano’ob ich maaya t’aan, tu kúuchil cultura; kéen ts’o’okoke’ yaan u k’aax Coro de Cámara de Yucatán. Kéen ts’o’okoke’, u múuch’il balts’am yéetel tiiteres La Fábulae’, yaan u ye’esik Cantos para la niñez, láayli’ te’e concha acústicao’.
Tu k’iinil viernes 8 ti’ julioe’ yaan u táakapajl u múuch’ paaxil Los Juglares, láas 8 áak’ab, te’e k’íiwik xano’.
U múuch’ paaxil sinfónica de Yucatán Luis Fernando Luna Guarneros yaan xan u táakpajal tu k’iinil sábado 9 ti’ julio, láas 7 áak’ab, te’e concha acústicao’. Cha’ane’ k’aab’ainta’ab Magia de la infancia, yéetel tukulta’ab ti’al u cha’antal tumen mejen paalal.
Tu ts’ook k’iinil cha’ane’, domingo 10 ti’ julioe’, yaan u beeta’al u keetil áalkab Raptors; láas 7 ja’atskab k’iin kéen káajak tu k’íiwikil Ticul. Láayli’ te’e k’iino’, tu najil miatsile’ yaan u beeta’al u yáax múuch’tambalil numismático, láas 11 ja’atskab k’iin. Tu ts’ooke’, kéen áak’abchajake’, yaan u táakpajal Ballet de la Ciudad de Mérida, tu’ux kéen u beet u ye’es jun jaats ti’ Lago de los Cisnes.
Xak'alutskíinsa'an tumen: Sasil Sánchez Chan
