Le 12 ti’ julio máanika’, NASAe’ tu ts’áaj k’ajóoltbil u jach ki’ichkelem oochel ka’an ch’a’aban tumen noj téeleskoopyo espasyal, yéetel le béeychaj u ye’esaj beyka’aj ba’al ku béeytal u beetik le nu’ukula’. Te’e oochela’, chika’an Nebulosa Carina, jump’éel ti’ asab nojoch yéetel leelem ka’anil yaan; kex 7 mil 600 u ja’abilo’ob luus náach yanik ti’ ka’an ts’a’aban u k’aaba’: kóonsatelasyon auustral Carina.
Xak'alutskíinsa'an tumen: Sasil Sánchez Chan
