Jump’éel u túumben jejeláasil soots’, ts’o’ok u ch’éejele’, k’ajóolta’ab úuchik u kaxta’al u reestos juntúul ba’alche’ kuxlaj walkil 55 miyoonesil ja’abo’ob, tu’ux jeets’el walkil u kaajil Wyoming.
Xaak’ale’ ku jets’ik tuka’atéen tuukul yaan yóok’lal soots’o’ob, tu’ux ku ya’alale’ séeba’an u yantal u jejeláasilo’ob ti’ uláak’ u kóontinenteob te’e k’inako’obo’. Xaak’ale’ jo’olbesa’ab tumen máako’ob ku meyajo’ob Museo Americano de Historia Natural yéetel Centro de Biodiversidad Naturalis, tu lu’umil Países Bajos, yéetel jts’a’ab k’ajóoltbil tu pikil ju’unil PLOS ONE.
En español: Esqueletos de murciélago de 55 millones de años hallados en Wyoming
Ti’ tuláakal yóok’ol kaabe’, maanal mil 460 u p’éel u jejeláasil soots’o’ob yaan; chéen tu’ux ma’ jach ke’el mina’ani’ yéetel ti’ náachtak peteno’ob. Beey túuno’, tu’ux yaan Formación Green River de Wyoming, yaan ya’abach úuchben wíinkilalo’ob ti’ u jats k’iinil Eoceno temprano; te’elo’ kaxta’an maanal 30 u reestosil soots’o’ob ti’ le ts’ook 60 ja’abo’ob, ba’ale’ tukulta’an ka’ache’, tuláakal le kaxta’ano’ chéen jump’éel u jejeláasil.
Ti’ le ts’ook ja’abo’obo’, u ajxak’al xookilo’ob Centro de Biodiversidad Naturalis tu káajs u xak’altiko’ob ba’al yóok’lal índice Icaronycteris úuchik u bin u mu’uch’ul ba’al yóok’lal.
Baakel kaxta’abe’, jach ts’aka’antako’ob. Juntúul máak suuka’an u máan u monla’ant ba’al ch’a’a tu ja’abil 2017, ts’o’okole’ jmana’ab tumen Museo. Ka’aj ke’et yéetel uláak’ baakelo’ob kaxta’ane’, ila’abe’ túumben jejeláas le j-ila’abo’.
Xak'alutskíinsa'an tumen: Sasil Sánchez Chan
