Máaxo’ob u jach ojéel ba’alo’ob yóok’lal úuchben nu’ukulo’obe’ tu ya’alajo’obe’, ibeerikail diadeemae’ noj ba’al tumen tak walkila’, chéen ka’ap’éel ti’ le nu’ukulo’ob k’ajóolta’an yaan tak walkila’. Ts’o’okole’ walkila’, táan u ko’onol tumen juntúul koolexionista tu kaajil Madrid, tu jo’oloj jach beeta’ak u máanil ti’al u yojéelta’al tu’ux yaan le nu’ukulo’oba’. Beey túuno’, ka ojéelta’ab tu’ux yane’, junmuúch’ u arkeeologosil Jaén táan u péek ti’al u yilko’ob wa je’el u béeytal u múul máanko’ob yéetel Junta de Andalucía, tumen beyo’ je’el u biinsa’al e’esbil Museo Ibero de Jaén.
En español: Sale a la venta una diadema ibérica considerada joya de orfebrería: Fotos
Le táan u ko’onol walkila’, beeta’an yéetel ooróo, ts’o’okole’ yaan óox jaats ti’; óoli’ maanal 30 sentiimetróos u chowakil.
Jxak’al xook Arturo Ruiz tu ya’alaje’, ichil u meyajil fíiligranae’ beeta’an u chíikulal úukumo’ob yéetel palmeeráas. Ts’o’okole’ nupa’an yéetel u meyajil griega orfebrería beeta’ab tu k’iinil tu taal u ts’o’okol siiglóo IV wa tu káajbal siiglóo III a.n.e.”.
Xak'alutskíinsa'an tumen: Sasil Sánchez Chan
