Ichil u k’iinil 20 tak 29 ti’ mayo ku taala’, yaan u beeta’al u bolontéenil e’esajil Rally Maya. Le je’ela’ ku kaxktik u péektsiltik u xíimbalta’al u petenil Yucatán, ts’o’okole’ ku kaxtik xan u yáantaj tumen jun jaats ti’ le taak’in ken u much’ kéen beeta’ako’, yaan u k’u’ubul ti’ jejeláas meyajo’ob ku beeta’al. Yaan u táakbesa’al 120 u p’éel klaasikóo kis buuts’o’ob yéetel yaan u yáalkabtiko’ob mil 200 kiloometróos, ti’ jo’o jaats: Ciudad del Carmen tak Campeche; Campeche tak Jo’; Jo’ tak Progreso; yéetel Jo’ tak Cancún, tu’ux kun ts’o’okol le xíimbalilo’.
En español: Todo listo para el Rally Maya que arranca el 20 de mayo: Conoce el evento
Xak'alutskíinsa'an tumen: Sasil Sánchez Chan
