Túumben oochel jch’a’ab tumen u éespasyal téeleskoopyol NASAe’ ku ye’esik uláak’ ka’ano’ob, wa galaxias, k’ajóolta’ano’ob beey AM 1214-255. Le ka’ano’oba’ yaan u galaktikóo nooy kuxa’an wa AGN.
AGNe’ u jaats ti’ u chúumukil ka’an tu’ux jach táaj sáasilchaja’an. U leeleme’ ku yantal yóok’lal mateerya ku sutulsuut ti’al u k’uchul tak tu’ux yaan u chi’ jump’éel nukuch boox jool tu puksi’ik’al le ka’ano’, a’alab tumen NASA.
En español: Hubble captura colorido paisaje de niebla cósmica en Nebulosa de Orión
Hubblee’ béeychaj u yilik u asab naats’il ka’an yaan te’e chúumuko’, úuchik u je’ets’el u jach cha’anta’al AGN, ti’al beyo’ u béeytal u mu’uch’ul jun jaats ba’alo’ob yóok’lal AGN naats’ak yano’ob, ti’al u k’a’abéetkunsa’al tumen ajsutu’ut eek’o’ob, ti’al u beeta’al u xaak’alilo’ob fiisikáa yóok’lal le ba’alob yaan te’e ka’ana’, beyxan le boox joolo’obo’ ichil uláak’ ba’alo’ob.
Xak'alutskíinsa'an tumen: Sasil Sánchez Chan
