Yéeytambal beeta’ab jo’oljeake’ j-úuch ich jets’óolal u ya’abil. Le ba’ax ku bin u chíikpajale’ ti’ yáax xaak’al yéetel PREPe’ ku ye’esik ba’ax yáax tukulta’abij: Coahuilae’ yaan u p’áatal yéetel priistail jala’ach, nuupul yéetel PAN beyxan PRD, ti’al beyo’ u múul yantal yéetel Durango ichil lu’umo’ob tu’ux oka’an meyaj Revolucionario Institucional, ka’alikil u jach nojoch kúuchile’, Estado de México, tu ye’esaj jump’éel k’a’anan k’eexil, tumen tuláakal ba’ax e’esike’ Delfina Gómez kun p’áatal beey u yáax xmorenistail yéetel u yáax ko’olelil ken u beet u xjala’achil te’elo’.
Xak'alutskíinsa'an tumen: Sasil Sánchez Chan
