Ti’ jump’éel u jach ka’anal moson yaan tu polo noorteil Júpitere’, béeychaj u yila’al tumen u misyonil Juno, ts’a’aban meyaj tumen NASAe’, u sáasil u jaats’ cháak.
Wey Yóok’ol Kaabe’, jaats’e’ ku síijil ti’ u múuyalilo’ob cháak, ts’o’okole’ mantats’ u yila’alo’ob naats’ ti’ le éekuadoro’, ba’ale’ ku tukulta’ale’ jaats’ ku yila’al Júpitere’ láayli’ u taal ti’ múuyalo’ob, ba’ale’ le je’elo’obo’ chuup yéetel áaminiakóo beyxan ja’, yéetel mantats’ u yila’al naats’ ti’ u poolosil le noj lu’umo’.
Ti’ le winal ku taalo’oba’, u oorbitasil Junoe’ yaan u babal máansik naats’ Júpiter, kéen máanak naabée espaasyial yóok’ol u yáak’abil le nukuch pláanetao’, le beetike’ je’elili’ u yantal uláak’ u páajtalil u ch’a’abal u yoochel kéen jaats’nak ka’an tumen u sientiifikoil nu’ukulo’ob yéetel le ku meyaj Juno, a’alab tumen NASA.
En español: Misión Juno de la NASA revela colores ''complejos'' de Júpiter
Beey túuno’, Junoe’ tu ch’a’aj u yoochel ka’aj náats’ Júpiter ti’al u k’iinil 30 ti’ diciembre ti’ u ja’abil 2020. Tu ja’abil 2022, jsientiifikoil Kevin M. Gill tu meyajtaj oochel jch’a’ab tumen nu’ukul k’aaba’inta’an beey JunoCam na’aksa’an ti’ jump’éel naabée espasyial. Tu súutukil ka’aj ch’a’ab oochele’, Junoe’ ti’ yaan kex 32 mil kiloometróos yóok’ol u múuyalilo’ob Júpiter.
Xak'alutskíinsa'an tumen: Sasil Sánchez Chan
