Éespasyal téeleskoopyoo, James Webb, ti’alinta’an tumen NASAe’ béeychaj u ch’a’ak u yoochel u ki’ichkelem wíinkilal Saturno. Oochele’, ku ye’esik bix yanik u ka’ap’éel asab nojoch pláanetail ti’ sisteemáa solar, tu’ux ku yila’al wóoliso’ob méek’ik yéetel sáasiltak tu chúumukil u boox nook’il ka’an.
Oochele’ jch’a’ab yéetel íinfrarojóo nu’ukul naats’ yanik te’elo’, yéetel ku ye’esik u sáasil le pláanetao’ kéen ts’u’uts’ak u sáasil k’iin tumen u metaanoil le atmoosferao’.
En español: James Webb captura asombrosa foto de los brillantes anillos de Saturno
Beyxan oochele’ ku ye’esik óoxp’éel ti’ le ya’abach ujo’ob yaan ti’, yéetel ajxak’al xooko’obe’ u k’áat u kaxto’ob túumben áaniyóos ti’ le pláanetao’, yéetel tak ujo’ob ma’ k’ajóolano’obi’.
Xak'alutskíinsa'an tumen: Sasil Sánchez Chan
