Ajsutu’ut eek’o’ob, wa aastronomos, ku k’a’abéetkunsiko’ob u téeleskoopyoil Hubblee’ tu yilajo’ob tuunicho’ob ku tukulta’al jóok’ ka’aj tu p’uchubáaj u naabe éespaasyáalil DART yéetel u áasteroide Dimorphos, tu chichil kex 22 mil 500 kiloometróos por ooráa, jtsa’ab k’ajóoltbil tumen Agencia Espacial Europea (ESA).
Tu yóolili’ ka’aj beeta’ab u p’úuchul DART yéetel Dimorphos tu k’iinil 26 ti’ septiembre ti’ u ja’abil 2022, ts’o’okole’ lelo’ tu beetaj u jach k’éexil bix ka’ach u suut u oorbitail tu bak’pachil nuxi’ áasteoridée, Didymos.
Le 37 u p’éel tuunicho’ob jóok’ ti’ le je’elo’, jejeláas u nuuktakil. Yaane’ jump’éel meetróo yéetel uláak’o’obe’ ku chukik tak 6.7 meetróos u kóochil, je’el bix chíikpaj ti’ oochelo’ob jch’a’ab tumen Hubble. Jump’éel kiloometróo por ooráa u bin u náachtal tuunicho’ob ti’ áateroidée.
Beey túuno’, tuláakal u maasail tuunich ila’abe’ ku p’isiko’ob kex .1 por sientoil u maasail Dimorphos. Le tuunicho’oba’ chéen jayp’éel ti’ le nu’ukulo’ob maas jach p’aayach béeychaja’an u jóok’sa’al u yoochel ichil tuláakal Sistema Solar.
Lee también: ‘Hubble’ distingue un deslumbrante cúmulo de estrellas en la Vía Láctea
Xak'alutskíinsa'an tumen: Sasil Sánchez Chan
 22_54_40.png)
