U múuch’kabil Embajadores Gourmet keets’el tu lu’umil Yucatán, yaan u beetik tuka’atéen u múuch’il Congreso Gastronómico Internacional de Embajadores Gourmet tu kaajil Espita, chíimpolta’an beey Pueblo Mágico, tu k’iinilo’ob 31 ti’ octubre tak 2 ti’ noviembre.
Meyaje’ yaan u beeta’al tu kúuchil Los Morales, yéetel yaan u táakpajal kex 25 u túul chefs taaljano’ob ti’ jejeláas lu’umo’ob je’el bix Perú, Colombia, Chile yéetel Estados Unidos. Beyxan yaan u yantalo’ob uláak’ mexicoilo’ob ku taalo’ob ti’ u péetlu’umilo’ob Baja California, Chihuahua, Coahuila, Quintana Roo yéetel Ciudad de México. Múuch’tambale’ xma’ bo’olil yéetel je’el u béeytal u bin je’el máaxake’.
En español: Preparan un Encuentro Gastronómico de cocina ancestral en Espita: Estas son las fechas
Yaan u yantal u súutukil kaambal, noj e’esajilo’ob yéetel u keetilo’ob janal, ts’o’oke’ máaxo’ob ku táakpajale’ yaan u k’i’itbesiko’ob ba’ax u yojelo’ob yóok’lal úuchben chaakalo’ob beeta’an yéetel ba’axo’ob ku yantal te’e baantaa’, ts’o’oke’ tu’ux ma’ táan xan u k’a’abéetkunsa’al u elektrodomestikóosil k’óoben.
Xak'alutskíinsa'an tumen: Sasil Sánchez Chan
