U ye’esajil Insignias de los dioses. La madera en el Templo Mayor ku béeytal u cha’anta’al walkila’, ti’ kúuchil yaan tu k’íiwikil u noj kaajil Ciudad de México, yóok’ol u bejil Seminario 8. Te’elo’ yaan u béeytalu cha’antal kex 150 u p’éel úuchben nu’ukulo’ob meyajta’an ti’ che’ yéetel le chíikbesa’an úuchben chíikulalo’ob k’a’antako’ob.
Le je’ela’ yaan u béeytal u cha’antal tak 28 ti’ enero ti’ u ja’abil 2024, tu k’iinilo’ob martes tak domingo. Ti’al u béeytal u yokol máake’, unaj u bo’ota’al 90 pesos, ts’o’oke’ tu k’iinilo’ob domingoe’ xma’ bo’olil ti’al jmexikoilo’ob.
Xak'alutskíinsa'an tumen: Sasil Sánchez Chan
