U mola’ayilo’ob kananil, xchukul ts’aatáantajil, beyxan urjeensyas ti’ najilo’ob ts’akyaje’ yaan u meyajo’ob je’el bix suuka’anil le jueves 2 ti’ noviembre ku taala’, tumen jets’a’an jump’éel noj k’iin yóok’lala u k’iinil Finadóos, tu lu’umil Yucatán, beey k’a’aytabik tumen u jala’achil le noj lu’umo’.
U mola’ayil Secretaría de Salud de Yucatán (SSY) tu ts’áaj k’ajóoltbile’ urjeensyase’ ma’ tun ch’éenel u meyaj ti’ u najilo’ob ts’akyaj le lu’uma’, tumen yaan u yuumil meyaj ti’al noj k’iino’ob tu’ux ku je’elel ya’abach máako’ob.
Beyxan u mola’ayil Secretaría de Desarrollo Social (Sedesol) tu ya’alaje’ le k’iin je’elo’ chéen u nu’ukbesajil Médico 24/7 kun meyaj te’e kaajo’obo’; Secretaría de Seguridad Pública (SSP) tu ya’alaje’ ma’ tun je’elel ts’o’oke’ yaan u mu’uk’ankúunsik kanan ku beetik te’e k’iino’oba’.
En español: Yucatán: Servicios básicos y de seguridad funcionarán con normalidad el 2 de noviembre
U kúuchilo’ob bo’ol yéetel áatensyóon Agua Potable y Alcantarillado de Yucatán (Japay) ma’ tun meyaj ba’ale’ bo’ole’ ku béeytla u beeta’al ti’ Internet.
Coordinación Estatal de Protección Civil (Procivy) yaan u meyaj tu kúuchilo’ob jets’a’an tumen Centro Estatal de Alertamiento y Monitoreo, yéetel nu’ukbesajo’ob suuk u beetike’, ma’ tun je’elsbil.
Beey túuno’, u mola’ayil Secretaría de las Mujeres (Semujeres) yaan u beetik birtual meyaj tu kúuchilo’ob Centros Regionales Violeta ti’ u kaajil Jo’ (yóok’ol u bejil 66 ichil 39 yéetel 41, col. Centro) beyxan te’e méek’tankaajo’obo’. Uláak’o’obe’ Patronato de las Unidades de Servicios Culturales y Turísticos del Estado de Yucatán (CULTUR); Instituto de Infraestructura Carretera de Yucatán (INCAY)
Ba’ale’ u moodulosil USE ti’ Agencia de Administración Fiscal de Yucatán (AAFY), Oficinas Generales, Centros de Atención Infantil (CAI), Apoyo a la Educación Especial (CAEE), y para Jubilados y Pensionados (CEJUPE) ma’ tun je’ebilo’ob le 2 ku taala’.
Xak'alutskíinsa'an tumen: Sasil Sánchez Chan
