Jump’éel xaak’al beeta’abe’ tu ye’esaj ba’ax ku yúuchul tu ts’o’omel u pool máak kéen ch’éenek u káaltal tu jo’oloj úuchuk wa ba’ax talamil yóok’lal le káaltalo’l (AUD, yóok’lal bix u k’aaba’ ich inglés t’aan) tu’ux chíikpaje’, manaal ukp’éel winalo’ob ku máan ti’al u chan utstal u yóol u wíinkilal máax jach ku káaltal ka’achij.
Aj xak’al xooko’ob ti’ u noj najil xook Universidad de Stanford tu beetajo’ob xaak’al yóok’ol 88 máako’ob ch’éen u káaltal tumen yanchaj ti’ob AUD, tu’ux ila’ab u ya’abil ti’ leti’obe’ ka’a piimchaj tu’ux jaaychaj u ts’o’omel u pool máak tu jo’oloj 7.3 winalo’ob.
En español: Esto tarda el cerebro en recuperarse del daño por alcoholismo
U yáal ts’o’omel pool k’ajóolta’an beey corteza cerebral leti’e’ yáal maas jach táaj yu’uyuch yaan ichil u ts’o’omel máak, ts’o’oke’ k’a’anan ti’al ya’abach ba’al tu na’at wíinik, le beetike’ u jaaytale’ ku beetik u jelpajal ba’al, je’el bix kéen tukulta’ak u beeta’al wa ba’ax yéetel kéen je’ets’ek wa ba’ax.
Lela’, ku béeytal u ch’éejsa’al wa ka ch’éenek u káaltal máax beetik, tumen kex ka’aj u ts’áaj u yóol ti’al u jets’iko’ob wa ba’axe’, le yáal je’elo’ ku chan p’íitkunsik le beyka’aj u meyajo’.
Xaak’ale’ tu ye’esaj máaxo’ob ku ch’éenel u káaltalo’obe’ ku ka’a piimkunsik le yáal ts’o’omel pool je’elo’ tu jo’oloj 7.3 winalo’o tu jo’oloj ch’éenek u káaltalo’ob.
Xaak’alo’ob yáax beeta’ane’ meyajnaj ti’al u na’atale’ bix u yutstal u ts’o’omel u pool máak tu jo’oloj yáax winal ch’éenek káaltal, ba’ale’ ajxaak’alo’obe’ tds’o’ok u béeytal u jets’iko’ob beyka’aj ku xáatal tak kéen u ch’a’a u yóol.
Ba’ax chíikpaje’, béeykunsa’ab yéetel u yáantajil resonancia magnética ti’al u béeytal u xak’alta’al 34 u jaatsil u ts’o’omel u pool máak. Xaak’al beeta’abe’ jts’a’ab k’ajóoltbil tu pikil ju’unil Science Direct.
Xak'alutskíinsa'an tumen: Sasil Sánchez Chan
