Walkil 8 miyoonesil ja’ao’obe’, kuxlaj juntúul nuxi’ ch’íich’ yéetel u nukuch íich’ak jmáan chuuk tu jáal ja’ilo’ob Argentina, Río Negro (noojol), ts’o’oke’ yóok’lal bix táan u yila’al u woojil u pe’echak’e’ míin juntúul ch’íich’ ma’ yáax ts’íibta’ak u k’aabai’, beey j-a’alab ti’ k’a’aytajil ts’íib tu jóok’saj Consejo Nacional de Investigaciones Científicas y Técnicas (Conicet).
"Lela’ leti’e’ yáax pe’echak’o’ob ku béeytal u ya’alal ti’al junmúuch’ k’aak’as ch’íich’o’ob wa fororracos. Ma’ ojéela’an wa yanchaj ti’ uláak’ kaajo’ob ti’ yóok’ol kaab, ba’ale’ yéetel le táant u kaxta’ala’ yaan u béeytal u kaxta’al ti’ uláak’ tu’uxo’ob”, tu tsolaj Ricardo Melchor, u ajxaak’alil Coniceta, máax ti’ k’ubéenta’ab le meyajo’. Ti’ ba’alche’ jts’a’ab u k’aaba’ beey Rionegrina pozosaladensis, yéetel aalchaj kex 55 kilos, ka tu p’ataj u pe’echak’e’ xaan u xíimbal te’elo’. Chíika’an no’ojan yanik u xaaw ti’al u yáalkab.
Xak'alutskíinsa'an tumen: Sasil Sánchez Chan
