Juntúul u miisil Sumatrae’, ba’alche’ óoli’ ta’aytak u sa’atal wey yóok’ol kaab tumen ma’ tu chukik mix 600 u túulale’, síij tu yáax k’iinil diciembre ti’ le ja’ab máaniko’, tu kúuchil Bioparco, tu noj kaajil Roma, tu’ux táan u líik’il tu beel, ti’ k’áax jets’a’an jach chéen u ti’al, ikil u kaxta’al bix je’el u kaláanta’al u kuxtal.
“Jach ma’alob yanik. Yaan u yóol, ts’o’oke’ u taatsilo’obe’ láayli’ uts úuchik u k’amko’ob. Kex beyo’, ma’ máanak beyka’aj k’iin k’a’abéet ti’al u ye’esa’al tu táan kaaji’. Ktukultik yaan u béeytal kbeetik tu jo’oloj jump’éel winal”, a’alab tumen u máakilo’ob Bioparco.
Séeba’an úuchik u ts’a’abal u chu’uch tumen u maamáaj, Tila, máax táan u jach kaláantik u mejenil, a’alabij.
Tilae’, síij tu ja’abil 2011 tu kúuchil ba’alche’ob Chester, Inglaterra. Ti’ jch’a’ab tu noj kaajil Heidelberg, Alemania, ka’alikil u yuume’, Kasih, síij tu ja’abil 2014 tu francés kúuchil Beauval.
Lee la nota en español: Nace en Roma una tigresa de Sumatra, especie en grave riesgo de extinción
Xak'alutskíinsa'an tumen: Sasil Sánchez Chan
.jpg)
