Sáanamale’ ku yúuchul t’aan kex óoxten tumen afrikanail ik’el kaabe’ ku máano’ob chi’ibal tu kaajil Cancún, le beetike’ jtup k’áak’o’obe’ tu k’áato’ob ti’ kaaje’ ka u k’áato’ob áantaj tu séebanil ku páajtal ti’al ma’ u chi’ibilo máak.
“Le je’ela’ táan u yúuchul ich kaaj, beyxan tu bak’pachil, ba’ale’ u yutsil tak walkila’, uts t’aantáanta’anik tuláakalo’ob. Yaan máake’ ts’o’ok u chi’ibil, ba’ale’ tumen séeba’an u k’uchul áantaj u ti’alo’ob”, tu ya’alaj Aquileo Cervantes Álvarez, máax jo’olbesik u múuch’il jtup k’áak’ tu ayuntamientoil Benito Juárez.
En español: Hasta tres reportes al día por abejas africanizadas en Cancún
Walkila’, ma’ tu kaxta’al u ch’éejsa’al ik’elo’ob kaab beya’, tumen ba’ax ku beeta’ale’, u k’e’exel tu’ux ku yantalo’ob, le beetik k’a’anan u t’a’anal jo’olpóopo’ob meyajtik ba’al beya’, tumen yaan k’iine’ kaaj ku ts’áakubáaj u luk’sej, wa u kíinsej, ts’o’oke’ le beetik ku p’u’ujul ik’el kaab tak kéen chi’ibanako’ob.
Le beetike’, ku ya’alal ti’ kaaje’, ka’ t’aanak tu séeba’anil tu departamentoil jtup k’áak’ wa Protección Civil, ti’al u téek bin ilbil máak.
Edición: Ana Ordaz
