U jo’olpóopil Antimonopolio ti’ u noj lu’umil Italiae’ tu je’aj xaak’al tumen ma’ bin no’oja’an bix táan u yúuchul ba’al yéetel jejeláas mola’ayo’ob ts’aatáantik u ayik’al múuch’ilo’ob Armani yéetel Dior, tumen ma’ uts bin yanik máak ichil táayeres ts’áak ti’ob le ba’ax ku koniko’obo’, jts’a’ab k’ajóoltbil le miércoles máanika’.
En español: Italia investiga a Armani y Dior por condiciones ilegales de trabajo en sus proveedores
Xaak’al ku taal u beeta’al tumen Autoridad Garante de la Competencia y Mercado (AGCM) kóojo’ob tu paach Fiscalía de Milán, tumen le u ts’ooka’ tu ts’áaj jayp’éel u mola’ayilo’ob Armani yéetel Dior tu yáam áadministrasyoon judisyáal tu jo’oloj xak’alta’ak tuláakal máako’ob yéetel kúuchilo’ob ts’áak ba’ax k’a’abéet ti’ ti’al u koonol, tumen ila’abe’ yaan máak ku píitmáan u meyaj ti’ le beyka’aj unajo’. Ichil ba’ax a’alab tumen AGCM yanchaj jayp’éel ti’ u probeedorilo’ob Armani yéetel Diore’ ku k’a’abéetkunsik ajmeyajo’obe’ ba’ale’ mix táan u chúukpajal bo’ol u ti’alo’ob, ts’o’okole’ ku jach píit máan u súutukil najmal u meyajo’ob, je’el bix jets’a’an te’el a’almajt’aano’, ts’o’oke’ ma’ xan táan u kaláanta’al u toj óolalo’ob, mix u máakilo’obi’.
Xak'alutskíinsa'an tumen: Sasil Sánchez Chan
