U múuch’báaxalil rugby 7 ti’ u noj lu’umil Franciae’ tíita’ab ti’ báaxal yanchaj ichil Juegos Olímpicos de París.
Jfrancialo’obe’ yáax báaxanajo’ob le miércoles máanika’ tu kúuchil Stade de France, ba’ale’ keet úuchik u p’áatal tu táan Estados Unidos tumen jnáako’ob 12-12.
Kex beyo’ béeychaj u ka’ ch’a’ak u yiik’o’ob tumen táanilchajo’ob 19-12 yóok’ol Uruguay.
Le múuch’ báaxala’ leti’ jach u kanmaj bix u báaxta’al rugby 7; jo’olbesa’ano’ob tumen Antoine Dupont, chíika’an ichil le ku tukulta’al yaan u náajaltiko’ob le noj olímpico keetila’, ichil u jaatsil xiibo’ob, yaan u ts’o’okol le sábado ku taala’. Keetile’ chúun yéetel 12 u p’éel múuch’ báaxalo’ob tu ketajubáajo’ob ka’ap’éel partido lalaj jump’éel le miércoles máanika’, tu yáax k’iinil báaxal, ka’ap’éel k’iin antes u k’iimbesa’al u káajbal le noj olímpico keetil.
Xak'alutskíinsa'an tumen: Sasil Sánchez Chan
