Jach taak’al úuchik u k’uchul tu ts’ook jmexikoil báab, Ángel Camacho, máax tu béeykuns u náajaltik u medaayail bronsée ichil u keetil 150 meetróos jejeláas u báabil, ichil u jaatsil S4 tu noj keetil uegos Paralímpicos París 2024.
Leti’e’ síij tu kaajil León. Tu ts’o’oksaj keetil ichil 2:37.29 minutóos ti’al u béeykunsik u ka’ap’éel medaayail le keetilo’.
En español: Ángel Camacho se lleva la medalla de bronce en natación en Paralímpicos de París 2024
Ángele’ tu séebkunsaj u báab ichil u ts’ook 50 metróos ka’alikil u ketikubáaj yéetel jcoreail Jo Giseong, máax jp’áat chéen 17 senteesimáas náach ti’ le jmexicoilo’, tumen tu beetaj 2:37.45. Yéetel medaayáa náajalta’ab tumen Camachoe’ ts’o’ok u náakal waxakp’éel ti’alinta’an tumen u noj lu’umil México ichil keetilo’ob táan u beeta’al tu noj lu’umil París.
Xak'alutskíinsa'an tumen: Sasil Sánchez Chan
