U k’ajóolta’al u kuxtal yéetel u meyaj estadunidenseil Edward Hopper, máax tu jach kan u meyajt realismo moderno, (1882-1967) ku béeytal u p’atik tak chi’ichnakil, tumen ku tukulta’ale’ míin tuláakal ba’al yóok’olale’ ts’o’ok u ya’alal, ba’ale’ u noj ba’alile’, leti’ u yila’al ba’ax ma’ ila’aki’. Beey u na’atik Alejandro Pérez Cervantes, máax ts’íibtmajil Edward Hopper en el norte de México, tu’ux ku ya’alik bix úuchik u yantal ba’al u yil tu meyaj jboone’, u jach k’a’ananil wíinik meyajtik muralismo tu lu’umil México.
En español: Gestionan exhibir en el país la obra que pintó Edward Hopper en México
Áanaltee’, táan u jóok’sa’al tumen Universidad Autónoma de Nuevo León (UANL), ts’o’oke’ yaan jayp’éel u kúuchilo’ob e’esajil, wa museos, tu lu’umil Monterrey tu’ux táan u péeksa’al ba’al ti’al u k’ujsa’al, le ja’ab ku taalo’, u meyaj Hopper tu bonaj ka’alikil taalja’an u xíimbalt le noj lu’uma’. Táan u tukulta’al ka máansa’ak Nuevo León, Ciudad de México yéetel jump’éel u kúuchil e’esajil Estados Unidos.
Pérez Cervantese’ tu ch’a’achibtaj u k’a’ananil yáax xíimbal tu beetaj Hopper tu noj lu’umil México. Ichil ba’ax ts’íibta’ab tumen Josephine Nivisone’, u yíichame’ táan bin u kaxtik u jeel ba’alo’ob ti’al u bonej.
Xak'alutskíinsa'an tumen: Sasil Sánchez Chan
