Bejla’e’, u pikil ju’unil La Jornada táan u k’iimbesik ts’o’ok u náakal 40 ja’abo’ob káajak u meyaj, u ja’abil u káajal kuxtal, je’el bix u ya’alik le úuchben t’aano’. Te’el k’iino’oba’ tu’ux ts’o’ok u suuktal u yu’uba’al ma’ táan u jach k’a’abéetkunsa’al ju’un ti’al u yúuchul xooki’, u náakal ka’ k’áal ja’abo’ob meyaje’ noj ba’al, je’el bix xan u béeytal u jóok’sa’al sáansamal le pikil ju’uno’. Le beetike’ La Jornada Maya, ku táakmuk’tik le k’iimbesaja’, tumen láayli’ táaka’an ichil u jeel múuch’o’ob meyajtik pikil ju’un méek’a’an yéetel le k’aaba’ je’elo’. K-ki’imak óoltik u múuch’il máako’ob káajs u ts’íibtiko’ob le k’ajla’ayila’.
En español: Cuatro décadas de La Jornada
Xak'alutskíinsa'an tumen: Sasil Sánchez Chan
