Ichil meyajo’ob táan u beeta’al tumen u kúuchil Centro Estatal de Capacitación, Investigación y Difusión Humanística de Yucatán (Cecidhy) ti’al u ka’ kuxkíinsa’al maayat’aane’, le fin de semana máaniko’, beeta’ab u k’aalalil kaambal xook 2024 tu’ux e’esa’ab jayp’éel ba’alo’ob kanab tumen xoknáalo’ob.
Fidencio Briceño, máax jo’olbesik Cecidhye’, tu ya’alaj meyaj ku beeta’al tumen u máakilo’ob te’el kúuchilo’, táan u kaxtik ka kuxlak Yucatán ich ka’ap’éel t’aan, ti’al beyo’ máaxo’ob t’anik maayae’ u béeytal u t’aano’ob je’el tu’uxa’ake’ yéetel ti’al ka chíimpolta’ak u páajtalilo’ob je’el bix jets’a’an ti’ a’almajt’aan.
En español: Cecidhy cierra cursos 2024 contribuyendo a la revitalización de la lengua maya
Le beetike’, kaambal jts’a’ab tumen u ajka’ansajilo’ob Cecidhye’ ku kaxtik ka u kan máak u t’aan maaya yéetel uláak’ bix u yúuchul kaambal, ts’o’oke’ u ti’al je’el máaxak tu yóotaj táakpajal, yéetel yaan xan jun jaats ti’al u máaox’ob ku meyaj tu mola’ayilo’ob kaaj.
U xoknáalo’ob Wendolyn Cotera, Samuel Canul, Marcelina Chan, Lizbeth Carrillo yéetel Ángel May tu ye’esajo’ob jayp’éel ba’alo’ob tu kano’ob ichil le maayat’aano’, ich tsikbalil yéeel k’aay.
Beyxan le súutuko’, tu ye’esaj xan u ts’o’okok u jaats k’iinilo’ob meyaj Fidencio Briceño tu táan Cecidhy, máax tu ya’ajale’ tu béeykunsaj yéetel ki’imak óolal ts’o’oke’ tu kaxtaj ka péektsilta’ak yéetel ka kaláanta’ak le t’aano’
Xak'alutskíinsa'an tumen: Sasil Sánchez Chan
