U wa’awak’ajil Israel yóok’ol Líbanoe’ tu kíinsaj le lunes máanika’, kex 490 máako’ob, ichilo’obe’ yaan maanal 90 ko’olel yéetel paalal, beey úuchik u ts’a’abal k’ajóoltbil tumen libenesil jo’olpóopo’ob, ts’o’oke’ tak walkila’ leti’e’ tu’ux asab ya’ab máak ts’o’ok u kíimil Líbano lik’ul u ba’ateltáambalil Líbano tu ja’abil 2006, ichil Israel yéetel Hezbollah.
U ajk’atunilo’ob Israele’ tu k’áatajo’ob ti’ u kajnáalilo’ob noojol yéetel u lak’inil Líbanoe’ ka yanak u luk’ulo’ob te’el kaajo’, tumen yaan u ts’onik wa’awak’ ba’al maas jach k’a’am yóok’ol Hezbollah.
En español: Ataques israelíes matan a 492 personas en el día de conflicto más mortífero en Líbano desde 2006
Ya’abach libaneseilo’ob luk’o’ob te’el noojolo’, ts’o’oke’ noj bej ku jóok’ol tu k’áak’náabil Sidón, jach chuup yéetel kis buuts’o’ob táan u ts’áakubáajo’ob k’uchul Beirut.
U Ministerioil Salud libaneseil tu ya’alaj u ajtup k’áak’ilo’ob Israele’ ts’o’ok u kíinsiko’ob 492 máako’ob, tu’ux táaka’an 35 paalal yéetel 58 ko’olel. Ts’o’oke’ tu loobiltaj kex 35 paalal yéetel 58 ko’olel, beyxan yanchaj kex mil 645 máax ti’ úuch loobilaj, jump’éel ba’al jach yaj te’el lu’umo’ tumen ku píitmáansik le yanchaj le semana máaniko’, úuchik u sen wáak’alelektroonikóo nu’ukulo’ob máak ich naj.
Xak'alutskíinsa'an tumen: Sasil Sánchez Chan
