U Nobelil Químicae’ tu chíimpoltaj le miércoles máanika’, óoxtúul sientiifiko’ob yóok’olal meyaj tu’ux tu yilo’ob bix je’el u na’ata’al yéetel tak u patjo’olta’al u estructurasil proteínas, leti’e’ mejen ba’alo’ob yéetel le ku béeytal u yantal kuxtal.
Chíimpolale’ k’uba’ab ti’ David Baker, máax ku meyaj Universidad de Washington, Seattle; Demis Hassabis yéetel John Jumper, máaxo’ob ku meyaj Google Deepmind, jump’éel láaboratoryóo británicoestadounidenseil tu’ux ku beeta’al u xaak’alilo’ob inteligencia artificial, tu kaajil Londres.
En español: Nobel de Química premia a tres científicos por su trabajo en proteínas, cruciales para la vida
Heiner Linke, máax jo’olbesik Comité del Nobel para Química, tu ya’alaje’, chíimpolale’ ku noj ba’alkúunsik xaak’alo’ob béeychaj u nu’upul ichil u jiit’il aminoácidos yéetel u estructurail proteínas.
“Lelo’ noj ba’al k’a’abéet u sáasilchajal ichil le kiimikao’, beyxan ti’ le biokiimiako’. Le beetik ba’ax ku chíimpota’ale’ k’a’anan”, tu ya’alaj.
Xak'alutskíinsa'an tumen: Sasil Sánchez Chan
