Tu jo’oloj yanak ka’ap’éel computadoras cuánticas tu noj najil xook Facultad de Ingeniería ti’ Universidad Nacional Autónoma de México (UNAM), ajxak’al xooko’ob ti’ le kúuchilo’, tu béeykunsajo’ob u chíimpolalil Best Paper ti’ meyaj suuk u beeta’al ja’ab man ja’ab yóok’olal u kaabalil ciencia beyxan ingeniería cuántica, ku beeta’al tumen Instituto de Ingenieros Eléctricos y Electrónicos (IEEE, yóok’olal bix u k’aaba’ ich inglés t’aan) tu kaajil Montreal, Canadá.
Chíimpolale’ jk’u’ub yóok’olal u ts’íibil Forjando caminos: iniciativas de computación cuántica en México, jts’a’ab k’ajóoltbil tumen Boris Escalante Ramírez yéetel Jimena Olveres Montiel, ti’ múul meyaj beeta’ab yéetel Claudia Zendejas, ti’ u noj najil xook Facultad de Ciencias; Alberto Maldonado beyxan Jesús Montiel, ti’ u kúuchil Instituto Politécnico Nacional (IPN); Isabel Pedraza, ti’ u noj najil xook Benemérita Universidad Autónoma de Puebla (BUAP), yéetel Javier Maldonado, ti’ u kúuchil Tecnológico de Monterrey.
En español: Académicos mexicanos, premiados en Canadá por promover la computación cuántica
Te’el ts’íibo’ ku xo’okol meyaj beeta’an tumen le ajxak’al xooko’obo’ ti’al u péektsiltiko’ob u ka’ansa’al computación cuántica tu noj lu’umil México. Ich ba’ax ts’a’aban u ti’ale’ táaka’an u najilo’ob xook tu k’iinilo’ob verano, yéetel u xookil licenciatura.
“Ka’aj t-ts’áaj k’ajóoltbil Canadá yéetel ka’aj t-a’alaj kbeetik praaktikáas te’el UNAM yéetel ordenadores cuánticose’, ja’ak’ u yóol máaxo’ob u’uyej tumen ma’ jump’éel ba’al suuk u yila’al mix tu’ux yóok’ol kaabi’”, tu ya’alaj Escalante Ramírez.
Xak'alutskíinsa'an tumen: Sasil Sánchez Chan
