Maanal 25 ko’olel ku meyajo’ob ti’al u kaláanta’al lu’um ti’ jejeláas máasewal kaajo’ob México, Guatemala, Honduras, El Salvador, yéetel Costa Ricae’, tu much’ajubáajo’ob tu jo’oloj ts’o’okok u kaambalo’ob tu laboratooryoil “Milpamérica Resiste” páayt’anta’ab tumen Hackeo Cultural, ka’aj tu meyajo’ob uláak’ jump’éel red, jumpáay ti’ Facebook, Instagram yéetel Twitter, ti’al u k’a’ayta’al yéetel u k’i’itbesa’al ya’abach ba’al yaan u yil yéetel bix u kanmaj kaajo’ob u meyajt yéetel u kaláantiko’ob lu’um, ba’ale’ beyxan ti’al u k’ajóolta’al máaxo’ob yaan tu paach le meyajo’ob je’elo’.
Milpamérica.org, jump’éel red social beeta’ab ti’al k’ajóoltik máak máaxo’ob kaláantik yó k’ol kaab, máaxo’ob ku ba’atel ti’al u yantal justicia climática, mu’uk’an kaajo’ob ku meyajo’ob ti’al u kaláantik ba’ax u ti’alo’ob. Ichil túun kaambal yanchaj ti’al u jóok’ol le noj meyaja’, ku páayt’anta’al táankelemo’ob yéetel paalalo’ob ti’al u ch’a’ajoltiko’ob úuchben kaambalo’ob suuk u beeta’al tumen máasewáal kaajo’ob tumen jump’éel ba’al ku aktáantikubáaj ti’ talamilo’ob táan u yantal yóok’olal criris climática. Le beetik ku beeta’al u campañail Milpamérica: Sembranza y Fruturos.
Ichil u k’inilo’ob 19 tak 22 ti’ noviembree’ yaan u k’aaba’inta’al ba’axo’ob kun beetbil ti’al u chíikbesa’al jejeláas ba’alo’ob, je’el bix: #TrenzamosSaberes (bix u ji’it’il kalan Ku beeta’al ti’al kuxtal yéetel ti’al wíinik); beyxan #SaboresySaberes (ti’ u jejeláas it i’inajo’ob yéetel janabe’enba’al ti’al u tséentikubáaj wíinik), ichil u jeelo’ob.
Xak'alutskíinsa'an tumen: Sasil Sánchez Chan
