Jump’éel ti’ le k’a’anan bejo’ob taak u xíimbalta’al tumen política cultural ti’ u jala’achil Claudia Sheinbaum leti’ u béeytal u táakbes’al educación artística ichil u kuxtal u kaajil México, tu ya’alaj ti’ La Jornada, ti’ yáax tsikbal tu ts’áaj ti’ prensa u xsecretariail Cultura federal, Claudia Curiel de Icaza (Ciudad de México, 1979).
Meyaj ku taal ti’ le wakp’éel ja’abo’ob ku taala’ yaan ba’al u yil xan yeetel u páajtalilo’ob máak ku meyaj, u yantal áantaj ti’al máaxo’ob ku patjo’oltajo’ob yéetel ti’al kúuchilo’ob, ichil uláak’ ba’alo’ob xane’, yaan u beeta’al “noj xaak’alo’ob ti’al u ch’a’anukta’al u najilo’ob xook artística”.
Xáanchaj tu tsikbal yéetel La Jornada tu kúuchil Chimalistac, tu noojolil Ciudad de México. Te’elo’. Curiel tu tsolaje’ “ma’ chéen nuka’aj bonbil pak’o’obi’ wa chéen u ts’a’abal u xookil guitarra (te’el najilo’ob xooko’) tumen yaan xan u beeta’al xaak’al ti’al u yila’al ba’ax kúuchilo’ob k’a’abéet beyxan ba’ax nu’ukulilo’ob. Yaan xan ktúumbenskunsik kaambal táakbesa’an ichil le xooko’ , tumen yaane’ ts’o’ok ichil 10 wa 20 ja’abo’ob ma’ k’e’exeki’”.
En español: ''Educación artística para todos'': Curiel de Icaza, secretaria de Cultura federal
Tu ya’alaje’ jach uts ts’o’ok u jóok’ol múuch’o’ob ts’o’ok u beeta’al yéetel xoknáalo’ob, tumen leti’e’ máaxo’ob ts’áamaj k’ajóoltbil le ba’axo’ob ku seen binetik, beyxan ba’ax ku binetik u ka’ansal.
Yóok’olal túun ba’alob je’el bix le je’elo’, tu yáax ja’abilo’ob jala’achile’ “ma’ táan u ts’a’abal taak’in ti’al túumben kúuchilo’ob: yaan kjel ts’áak u beel le taak’ino’ ti’al u kaambalil artística, beyxan u ka’ xak’alta’al máax ti’ ku ts’a’abal áantaj”.
Xak'alutskíinsa'an tumen: Sasil Sánchez Chan
