Jump’éel túumben xaak’alil ts’a’ab k’ajóoltbil tumen Proceedings of the National Academy of Sciencias (PNAS) ku ye’esik tak ba’ax je’el u béeytal u beetik juntúul ctenóforo, k’ajóolta’an bey medusa peine, uti’al u k’exik bix táan u nojochtal.
Xaak’alil beeta’abe’ ku ye’esike’ bix k’éexel u líik’il u kuxtal ba’alche’obe’ maas suuk je’el bix k’ajóolta’anile’.
En español: Las medusas peine pueden revertir su envejecimiento: Lo que se sabe del descubrimiento
U líik’il u kuxtal ba’alche’obe’ suuka’an u yúuchul je’el bix kuxtal u láakts’ilo’obe’ yéetel xan jejeláas k’eexilo’ob: ku síijilo’ob, ku nuuktalo’ob, ku ya’abkunsikuba’ob yéetel ku kíimilo’ob, ku káan jel káajal uláak’ kuxtal.
Chéen wa jaytúul especieso’ob ku béeytak u k’exik ti’ bix suuka’anila’; je’el bix le maas k’ajóolta’ano’ “medusa inmortal” Turritopsis dohrnii, leti’e’ ku béeytal u k’exikubaj ti’ medusa nojoch tak ka suunak pólipoil.
Ti’ le múuch’ ba’alche’ob yéetel u líik’il kuxtalo’ob maas ma’ neetse’ beora’ ku táakbesa’al le ctenóforo Mnemiopsis leidyi.
Xak'alutskíinsa'an tumen: Sasil Sánchez Chan
