Maanal 7 máako’obe’ yanchaj u p’atiko’ob u kaajil Santorini, tu jo’oloj 48 horas, úuchik u tíitkubáaj lu’um tu griegoail peten le martes máanika’, tumen tak ajxak’al máako’ob a’alike’ le je’elo’ jump’éel ba’al mix juntéen yáax úuchuki’.
Kex 5 mil 755 máak jna’ak ti’ ferris le domingo máanika’, ti’al u luk’ulo’ob te’el kaaj jach k’ajóolta’an yóok’olal ch’oj najil k’ujo’ob, beey úuchik u ya’alal tumen juntúul jgriegoil kanan jáal ja’ ti’ AFP.
Lee en español: Sismos sacuden isla griega de Santorini; evacuan a más de 7 mil personas
U mola’ayil péepen k’áak’ Aegean Airlines tu ya’alaj leti’e’ tu máansaj mil 294 máako’ob desde le lunes máaniko’. Máako’obe’ luk’o’ob tu kaajil Santorini tak tu kaajil Atenas. Bolonp’éel vuelos yanchajij, ts’o’oke’ jo’op’éel ti’ le je’elo’obo’, yanchaj u túumben programarta’al.
Ichil ba’ax a’alab tumen Instituto Geodinámico del Observatorio de Atenas, u péek lu’um náats’ petene’ mix juntéen yáax ila’ak desde ka’aj káaj u chíikpajal tu ja’abil 1964.
Maanal 180 u téen péeknaj lu’um desde le domingo máaniko’, ts’o’oke’ ti’ le je’elo’obo’ maanal ti’ táan chúumuke’ tu píitmáansaj 3 u muuk’il.
Tu yóok’kabil kex mil km² ti’ u bak’pachil petene’, ichil u k’iinil 24 ti’ enero yéetel 4 ti’ febrero, tu chúumuk k’iinile’, jxo’ok kex 750 u téen péeknaj lu’um.
U ti’al jka’ansajil sismología Kostas Papazachose’, u babal péek lu’ume’ jump’éel ba’al “ma’ yáax ila’ak mix juntéen tu baantail griegail lu’um”.
Tuláakal najilo’ob xook tu kaajil Santorini, Amorgos yéetel uláak’ peteno’ob naats’e’ yaan u p’áatalo’ob k’aalalil tak le viernes ku taala’, tumen jala’acho’ob te’el kaajo’ ku ya’aliko’ob je’ets’ beyo’, ti’al u kaláanta’al kajnáalo’ob.
Xak'alutskíinsa'an tumen: Sasil Sánchez Chan
