Yolanda Yvonne Montes Farrintong, máax pata’ab u k’aaba’ beey Tongolele, kíim jo’oljeak lunes.
Leti’e’ síij tu kaajil Washington, Estados Unidos (1932), ba’ale’ u meyaje’ mu’uk’anchaj México, Tongolelee’ ku chíimpolta’al beey juntúul máax jach k’a’ananchaj ti’ tahitianail yéetel afroantillanail óok’ot ich mexicoil lu’um.
En español: Fallece la actriz y bailarina 'Tongolele' a los 93 años
Le bix u ye’esikubáaj yéetel bix tu kanaj péek yóok’ol escenarioe’ tu ts’áaj u páajtalil u chíikpajal ti’ cha’ano’ob je’el bix Nocturno de amor (1948), Han matado a Tongolele (1948) El rey del barrio (1950) yéetel Mátenme porque me muero (1951).
Tu jo’oloj ya’abach ja’abo’obe’, láayli’ u chíikpajal televisión, beyxan ti’ u balts’amil revista yéetel uláak’ cha’ano’ob. Beey ts’o’ok u kíimila’, ku sa’atal juntúul ti’ u ts’ook k’a’anan ko’olel ichil dorado k’iinilo’ob cha’an tu noj lu’umil México.
Xak'alutskíinsa'an tumen: Sasil Sánchez Chan
