Paach ti’ le noj náajal ku yantal ti’ kúuchilo’ob cha’ane’, ta’aka’an xma’ uts bo’ola’an meyaji’, wa explotación laboral. Kex 10 horas seen meyaj, ts’o’oke’ mina’an xan prestaciones wa uts bo’ol yóok’olal, ts’o’oke’ yóok’olal jurídica ba’alo’ob yaan u yil yéetel u páajtalilo’ob meyaje’ sajbe’entsil yanik máak; beey u meyaj máaxo’ob konik cerveza, máaxo’ob xak’altik boletos wa máaxo’ob ilik u kaláanta’al m`áaxo’ob ku bin cha’an ti’ conciertos, festivales wa ti’ u keetilo’ob deporte.
Estadio Azteca yéetel GNP (Foro Sol ka’achij), Palacio de los Deportes yéetel Autódromo Hermanos Rodríguez chéen jayp’éel ti’ le kúuchilo’ob tu’ux ku yúuchul cha’an, ba’ale’ meyaje’ láayli’ jach óotsil u bo’ota’al ti’al táankelemo’ob yéetel nojoch máako’ob ku meyajo’obi’, tumen chéen ku yantal meyaj le k’iino’ob yaan ba’ax cha’anil, ts’o’oke’ u bo’olile’ chéen p’el maanal 300 pesos.
En español: Acusan de explotación laboral detrás de la industria de espectáculos musicales
Máax ku bin cha’ani’, ti’al xan u ts’a’abal máax kaláantik u yokol wa u jóok’ol máak, beyxan ti’al u Ti’al máaxxo’ob ku meyajo’obe’, uts u ti’alo’ob tumen ku béeytal u náajaltiko’ob jump’íit taak’in ti’ le k’iin yaan cha’ano’, tumen yaan táankelemo’ob ku bino’ob xook wa na’tsilo’ob kaláantik u paalal, ba’ale’ ku k’a’abéetchajal u náajalo’ob ti’al fin de semana. U mola’ayil Ocesae’ leit’e’ maas nojoch beetik noj cha’ano’ob tu lu’umil México.
Ichil le ku meyajtiko’ ti’ yaan Vive Latino, Flow Fest yéetel Corona Capital; ba’ale’ mola’aye’ ku t’anik, beey subcontratacióne’, uláak’ ba’alo’ob k’a’anan ti’al u ts’aatáanta’al kaláanta’al kúuchil tu’ux kun úuchul cha’an.
Séeb u k’ajóolta’al máaxo’obi’ tumen ku búukintik u boox nooko’ob wa chalecos fluorescentes. Táankelemo’obe’ séeb u kóolalo’ob meyaj tumen ku ya’alal ti’obe’ wa ku meyajo’ob te’elo’ yaan u páajtalil u yu’ubik wa u cha’antik ajk’aay wa múuch’ paax uts tu yich ts’o’oke’ óoli’ xma’ bo’olil, ba’ale’ tu jo’oloje’ ku yilko’obe’ ma’ jach beyi’.
Xak'alutskíinsa'an tumen: Sasil Sánchez Chan
