U cha’anil Festival de Cannes 2025 tu yilaj úuchik u k’uchul The Phoenician Scheme, ts’ook cha’an u beetmaj Wes Anderson, juntúul máak beetik cha’ano’ob séeb u k’ajóolta’al tumen ku chíikbesik lu’umo’ob tu’ux ku ta’akik noj tuukulo’ob yóok’olal bix u kuxtal wíinik.
Ba’ale’ walkila’, Andersone’ ku jupik máak ichil u xwo’okin ja’il ku yáakal ken naak’nak yaj óolal, tu’ux ku pitik u nook’ xma’ su’ulak wíinik kuxa’an yéetel ken sa bajux taak’in te’el k’iino’oba’.
Tu cha’anil The Phoenician Schemee’, Andersone’ ku chíikbesik u yoochel wíinik jach uts bix kuxa’anil, tumen tu ch’a’aj u ti’alinto’ob jump’éelili’ ba’al chéen leti’ob konik, ti’al u yantal taak’in ka’alikil u máano’ob yóok’ol ya’abach máak. Yéetel u meyaje’ ku ye’esik bix u taak’inil wíinik te’el k’iino’oba’, ku yantal tumen ma’ táan u tukultiko’ob bix yanik uláak’ máako’ob tumen.
Cha’ane’ ku ts’áak tukultbile’, ayik’al máako’obe’ chéen u k’áato’ob náajal yéetel u ki’ óolo’ob. Je’el ba’axak túumben nu’ukul wa tuukule’, chéen ku meyaj ti’ob ti’al u maas ch’a’ak u muuk’o’ob, ba’ale’ ma’ tu tukultik u jeel máako’ob. Andersone’ ku ye’esik bix u náachtal u yook xma’ keet kuxtal, meyaj xma’ je’elil yéetel ka’anal óol chéen jaytúul máak. The Phoenician Scheme, ku beetik k-k’áatik: jaaj wáaj ku béeytal kseen náajaltik taak’in ti’ jump’éel kaaj tu’ux democracia yéetel a wa’alik bix a xupik a taak’in ma’alob yanik.
Cha’ane’ ku chíikbesik ba’ax ku yúuchul yéetel sistemas ku cha’ako’ob u yantal chéen jaytúul ayik’al máak tumen ku máano’ob yóok’ol u jeelo’ob. Páayt’aan ti’al u sáasilchajal bix u xu’upul taak’in yéetel ti’al u ka’a tukultik máak ba’ax uts yéetel ba’ax ma’. Festival de Cannese’ tu táakbesaj cha’an ti’ meyajo’ob kun e’esbil te’el ja’aba’. Le beetik ku ka’ líik’sa’al u tuukul cha’an ti’al u péektsiltik meyajo’ob ku ts’áak tuukul yéetel ku beetik u tsikbalta’al ba’axo’ob k’a’anan.
Xak'alutskíinsa'an tumen: Sasil Sánchez Chan
