Yóok’olal xaak’al xook, péektsiltaj beyxan u kananil t’aa, miatsil yéetel maaya na’ate’, jala’ach Joaquín Díaz Mena tu k’ubaj ti’ Fidencio Briceño Chel u chíimpolalil Medalla Eligio Ancona, ku ts’a’abal tumen Universidad Autónoma de Yucatán (UADY) ti’al u chíimpolta’al kajnáalo’ob ku chíikpajalo’ob yóok’olal meyaj ku beetiko’ob ti’al miatsil, its’at, xaak’al yéetel sut taak’in.
Tu kúuchil Salón de la Historia de Palacio de Gobierno, jala’ache’ tu jo’olbesaj súutuk tu’ux k’u’ub meyaj je’ex le ku beetik Briceño Chel, tumen mina’an utsil xíimbal wa mina’an miatsil yéetel k’ajla’ayil. chíimpolal, tu’ux ch’a’achibta’ab meyaj u beetmaj Briceño Chel beey jxak’al xook, lingüista yéetel juntúul máax péektsiltik u na’at maayaob, tumen jump’éel meyaj ts’o’ok u chíikpajal yéetel k’a’anan ti’al u tóoch’ta’al u moots, u yich yéetel u yóol maaya kaaj.
En español: Fidencio Briceño recibe Medalla Eligio Ancona por su labor en defensa de la cultura maya en Yucatán
Díaz Mena tu ya’alaje’, ti’ yóok’ol kaab tu’ux maas séeb u yila’al le ba’axo’ob séeba’an u yúuchulo’, beyxan u k’a’abéetkunsa’al tu séebanil le informacióno’, tu’ux xan ku tu’ubsa’al ba’ax k’a’anane’, ku k’a’ajsa’al to’on u k’a’ananil kmoots yóok’olal “Renacimiento Mayae’ táan u kaxtik ka k’uchuk u jach utsil ja’abo’ob kuxtal maaya kaaj.
Le beetike’, k-k’áat ka yanak jump’éel lu’um ka tuukulnak, beyxan ka u k’a’ajs ba’al yéetel ka u tsikbalnak”, tu ya’alaj Díaz Mena. Tu ts’áaj u níib óolalil xjala’ach Claudia Sheinbaum Pardo ikil u yáantik mantats’ Yucatán, beyxan u meyaj.
Ka tu k’amaj chíimpolal Briceño Chele’, tu ts’áaj u níib óolalil úuchik u ts’a’abal ti’, beyxan táakmuk’taj ku ts’a’abal ti’ Renacimiento Maya, tumen lelo’ jump’éel u páajtalil u mu’uk’ankúunsa’al miatsil, t’aan yéetel yucateca óol, ti’al ka yanak u túumben k’ajla’ayil maaya kaaj.
Jurado Calificador xak’alt Medalla Eligio Ancona 2024 tu chíimpoltaj Briceño Chel yóok’olal meyaj ku beetik ti’ noj najilo’ob xook, beyxan tu lu’umil México, Estados Unidos yéetel Europa, tumen k’a’anan ti’al túumben lingüistas yéetel máaxo’ob péektsiltik maaya t’aan.
Xak'alutskíinsa'an tumen: Sasil Sánchez Chan
