Le jueves máanika’, Talibanilo’obe’ tu ya’alajo’ob yaan u yóolo’ob ti’al páajtal u yantal tsikbal yéetel u Jala’acho’ob ken ts’o’okok FIesta del Sacrificio, tu k’iinil 3 ti’ agosto, ti’al u yantal jets’ óolal, ba’ale’ le je’ela’ yaan u yúuchul chéen wa cha’ak’abta’al máaxo’ob k’a’alob ti’ le ts’ook winalo’obo’.
“Emirato Islámicoe’ táan u líik’sik tuláakal ba’al ti’al u cha’ak’abtik jun jaats máako’ob k’ala’anob,ma’ili’ káajak Eid al Adha, ba’ale’ chéen wa jcha’ab máaxo’ob tu táaka’an u k’aaba’ ti’ jump’éel tsolts’íib tu k’ubajo’ob”, beey tu ya’alaj máax beetik u t’aanil ichil u talibánilo’ob Qatar, Suhail Shahin.
“Beey túuno’, Emirato Islámico de Afganistán táan xan u líik’sikubáaj ti’al u páajtal u káajsik tsikbal ichilo’obi’, jach chéen p’el u ts’o’okol ti’ Eid, chéen wa jts’o’ok u cha’abal máak”; beey ts’íibta’ab ti’ Twitter.
Ba’ax a’alab tumen Shahine’, úuch tu jo’oloj ka’ap’éel k’iin k’a’aytak u cha’abal kex 16 u túul máak táakbesa’an ichil fuerzas de seguiridad, ka’alikil táan u yúuchul jump’éel k’a’anan ba’al ma’ili’ káajak múul tsikbal ichilo’obi’.
Ba’ax je’ets’e’ mokt’anta’ab le 29 ti’ febrero máaniko’ yéetel U Jala’achil u Lu’umil Estados Unidos, tu’ux a’alabe’ yaan u cha’abal 5 mil u túul máak, beyxan mil u túul máak ti’ fuerzas afganas ma’ili’ káajak tsikbalo’ob yéetel Kabul.
